گوادر ءِ ھند پسنی ءَ بلوچ لبزانک کمیٹی ءِ نیمگ ءَ پسنی پریس کلب ءَ روکپتی بلوچستان ءِ جاہ منندیں بلوچی زبان ءِ مزن نامیں شائر الی بکش دشتاری ءِ یات ءَ پروگرامے برجم دارگ بیتگ۔ اے دیوان ءَ الی بکش دشتیاری ءَ روکپتی بلوچستان ءِ سیستان ءُ بلوچستان ءِ بلوچی لبزانک ءُ بلوچی ساز ءُ زیمل ءِ سر ءَ گپ جتگ۔
اے دیوان ءَ بلوچی زبان ءِ نامداریں گشندہ ءُ اکس کار ءُ آدگہ مردم ھم ساڑی بیتگ اَنت
الی بکش دشتیاری ءَ گوشتگ کہ یک زمانگے ءَ ایران ءَ بلوچی زبان ءِ بابت ءَ بازیں پابندی بیتگ اَنت ءُ نوں بازیں گھتری آھگ ءَ اِنت۔
آئی ءَ گوشتگ کہ ما پیسر ءَ پہ کتابانی شنگ کناھینگ ءَ کراچی ءَ اتکگ ایں بلے نوں اود ءَ مئے کِر ءَ شریں وڑے ءَ کار بوگ ءَ اِنت۔
