شال: اوگانستان ءُ پاکستان ءِمیان ءَ برجاھیں جنگ ءَ دوئیں ڈیھانی نیمگءَ پہ چل ءُ ھشت ادار ءَ جنگ بندی کنگ بیتگ۔
پاکستان ءِ تھی کارانی وزیر ءُ اوگانستان سرکار ءِ جارکش ءِ میانءَ چہ جنگ بندی ءِ پیسلہ کنگ ءَ پد دوئیں نیمگاں ارشانی درچ دارگ بیتگ اَنت۔
چہ پاکستان ءِ تھی کارانی وزیر ءِ نیمگ ءَ شنگ بیتگیں درشانے ءَ گوشگ بیتگ کہ پاکستان سرکار ءُ اوگانستان ءِ تالبان انتزامیہ ءِ نیمگ ءَ پہ چل ءُ ھشت اداراں بیتگیں جنگ بندی ءِ سر ءَ تپاک کنگ بیتگ کہ مرچی بیگاہ ءِ شش ءَ ایشی سر ءَ کار کنگ بیت۔
اوگانستان سرکار ءِ جارکش زبی اللہ مجاھد ءَ گوشتگ کہ چہ پاکستان ءِ نیمگ ءَ لوٹ کنگ بیتگ کہ دوئیں ڈیھانی میان ءَ مرچی بیگاہ ءِ پنچ ءُ نیم ءَ جنگ بندی کنگ بیتگ۔
آێی ءَ گوشتگ کہ امارات اسلامیہ وتی درسیں پوج ءَ مرچی بیگاہ ءِ پنچ ءُ نیم ءَ سرجم ءَ جنگ بندی ءِ پابند بوگ ءِ پرمان ءَ دنت۔ انچوش کہ دومی پریک زوراکی مہ کنت۔
