کیچ ءِ ھند تمپ ءَ ڈگری کالج ءِ پرنسپل داؤد بلوچ ءِ مٹ کنگ ءِ بگیری ءَ نودربرانی نیمگ ءَ زھرشانی برجاہ اِنت۔ نودربر تبکاں روگ ءَ نہ اَنت ءُ زھرشانی روانک کشگ ءَ اَنت۔
اے زھرشانی ءَ بچک ءُ جنکیں نودربر ھوار اَنت کہ آیاں پہ پرنسپل داؤد بلوچ ءِ پد ءَ آرگ ءِ لوٹ ءَ اوگام جتگ۔
زھرشانی کنوکیں نودربرانی گوشگ اِنت کہ تمپ ڈگری کالج پہ زانت تباھی ءِ نیمگ ءَ برگ بوگ ءَ اِنت۔ پرنسپل داؤد بلوچ پہ تمپ ڈگری کالج ءِ دیمروئی ءَ جوانیں کرد پیلو کرتگ۔
آیانی گوشگ اِنت دانکہ پرنسپل پد ءَ آرگ نہ بیتگ مئے زھرشانی برجاہ بیت۔
