بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ سرمچاراں 25 ستمبر 2025 ءِ بیگاہ ءِ شش ءَ داں شپ ءِ نُھ ءَ سوراب ءَ سے جتائیں جاھاں دگ بستگ پٹ ءُ پول کرتگ۔دگ بندی ءِ میان ءَ تارِکی ڈیم ءُ نگاڑ ءَ ھوار بائی پاس ءَ سرمچاراں پاکستانی کسٹم ءِ کارمند گوں سرکاری سلاہ ءُ گاڑیاں دزگیر کرتگ ءُ جست ءُ پرس ءَ پد بلوچ بوگ ءِ بنیاد ءَ کارمند یل داتگ اَنت ءُ آیانی سرکاری سلاہ ءُ گاڑی برتگ اَنت۔
جارکش ءَ گوشتگ کہ دگہ یک کاروائی یے ءَ 24 ستمبر 2025 ءِ شپ ءَ سرمچاراں واشک ءِ ھند زَرد ءَ دگ بندی ءِ میان ءَ پولیس ءِ گشتی ٹولی دزگیر کرتگ۔ پد ءَ سرمچاراں پولیس کارمند یل داتگ اَنت سلاہ ءُ گاڑی برتگ اَنت۔
میجر گھرام بلوچ ءَ کاروائیانی زمہ واری من اِتگ ءُ گوشتگ کہ داں بلوچستان ءِ آجوئی ءَ پاکستانی پوج ءَ ھوار بلوچ بگیریں کاراں ھواریں درسیں مردم یا ٹولیاں نشانگ کن ایں۔
