مستونگ ءَ چہ پاکستانی پوج ءِ تیرگواری ءَ زمیاد گاڑی ءِ ڈرائیور بیران بیتگ چہ اے ویل ءِ بگیری ءَ مردماں زھرشانی کرتگ۔
اھوالکار ءِ رد ءَ پاکستانی پوج ءِ کارمنداں ڈرائیور مستونگ ءِ میجر چاراہ ءَ نشانگ کرتگ ءُ کشتگ۔ مردماں ڈرائیور ءِ لاش زرتگ ءُ زھرشانی ءَ دگ بند کرتگ ءُ پاکستانی پوج ءِ زوراکیانی بگیری ءَ اوگام جتگ۔
انچوش گوشگ بوگ ءَ اِنت کہ بیران بیتگیں ڈرائیور پنجگور ءِ جاہ منند اِنت۔
چوش کہ ایشی ءَپیش ھم پاکستانی پوجءَ بلوچستان ءِ جتائیں ھند ءُ دمگاں ڈرائیور نشانگ کرتگ ءُ کشتگ اَنت۔
