بلوچستان لبریشن پرنٹ (بی ایل اپپ) ءِ جارکش میجر گھرام بلوچءَ وتی درشانے ءَ گوشتگ کہ بی ایل ایپ ءِ سرمچاراں 24 ستمبر 2025 ءِ سھب ءِ ادار ھشت ءَ آواران ءِ ھندبزداد، کرکی ءَ زورگریں پوج ءِ پیادگ ءَ تر ءُ گرد کنوکیں ٹولی گوں تراکناکیں شورھاں نشانگ کرتگ۔ چہ ایشی آسر ءَ دو پوجی کارمند جاھی مرتگ ءُ سے ٹپی بوتگ۔ اچہ ُرش ءَِ نیم ادارے ءَ پد ھیلی کاپٹر جنگجاہ ءَ آتکگ اَنت ءُ پوج ءِ کارمندانی لاش ءُ ٹپی بوتگیں کارمند برتگ اَنت۔ سرمچار کاروائی ءَ پد پہ سلامتی درکپتگ ءُ وتی بندراں سر بوتگ اَنت۔
آئی گوشتگ کہ یک دگہ کاروائی یے ءَ 20 ستمبر 2025 ءَ بی ایل ایپ ءِ سرمچاراں بارکان ءِ ھند بگاؤ، پرگاڑہ ءَ دگ ءِ سر ءَ دگ کار کنوکیں شرکت ءِ سر ءَ تیرگواری کرتگ ءُ پد ءَ کریش پلانٹ ءَ ھوار مشین ءُ سامان مانداشتگ اَنت۔ چہ ایشی آسر ءَ مشین ءُ سامان بازیں کچے ءَ تاوان بیتگ اَنت۔ آیانی تہ ءَ جرنیٹر ءُ گریڈر ھم ھوار اَنت۔
میجر گھرام بلوچ ءَ درشان ءِ گڈی ءَ دوئیں کاروائیانی زمہ واری من اتگ۔
