شال ءُ پنجگور ءَ پاکستانی پوج ءَ بیڑ برتگ ءُ پنچ مردم آوار جنگ ءَ پد بیگواہ کرتگ۔
بنشون ءِ رد ءَ پاکستانی پوج ءَ دوشی شال ءِ بروری دگ ءَ جتائیں جاھاں بیڑ برتگ ءُ کیچ ءِ جاہ منندیں سے ورنا آوارجتگ ءُ بیگواہ کرتگ کہ آیانی نام نوروز ء منزور ، درجان ءُ شھبیک ء ماسٹرتاھر اِنت۔ نوروز ءُ درجان کیچ ءِ ھند سنگ آباد ءُ شھبیک شاپک ڈانڈال ءِ جاہ منند اِنت کہ نودربر اَنت۔
ھے وڑ ءَ پاکستانی پوج ءَ پنجگور ءِ ھند ھدابادن ءَ بیڑ برتگ ءُ ڈاکٹر ابدالوھید ءُ آئی زھگ ارپان بلوچ آوار جتگ ءُ بیگواہ کرتگ اَنت۔
