تربت: کیچ ءِ نودربراں پاکستانی پوج ءِ دست ءَ زور بیگواھیں جیھند لیاکت ءِ زوریں بیگواھیءِ بگیری ءَ لاکالج ءَ روانکے ءِ کشگ ءِ جار جتگ۔
آیانی گوشگ اِنت جیھند لیاکت لا کالج تربت ءِ چارمی سمسٹر ءِ نودربر اِنت کہ 25 مئی 2025 ءَ چہ گس ءَ آوار جنگ ءُ بیگواہ کنگ بیتگ۔ آئی یل نہ کنگ ءِ بگیری ءَ ماں لاکالج ءَ باندا یازدہ ءُ نیم ءَ یک بے تواریں روانکے کشگ بیت۔
کھول ءَ روانک ءِ پلہ مرزی کرتگ ءُ گوں کیچ ءِ درسیں بھرگاں سیادی داروکیں مردماں دزبندی کرتگ کہ آ اے روانک ءَ بھر بزور اَنت ءُ پہ جیھند لیاکت ءِ آجوئی ءَ توار چست بہ کن اَنت۔
