کیچ \ پنجگور: پاکستانی پوج ءَ بیڑ برتگ ءُسے مردم آوار جنگ ءَ پد بیگواہ کرتگ۔
زرمبش جھگیر ءِ رد ءَ پاکستانی پوج ءُ کشندہ ٹولی ءِ کارمنداں دوشی ادار یک ءَ تمپ ءِ میتگ دازن ءَ بیڑ برتگ ،بیڑ برگ ءِ میان ءَ گوں مردماں زوراکی کرتگ ءُ ناسر ء مزار ءُ ماجد ء مولابکش آوار جتگ ءُ بیگواہ کرتگ اَنت، دو ئیں یکیں کھول ءِ مردم اَنت ۔
دومی نیمگ ءَ پنجگور ءِ ھند پروم لگورک ءَ پاکستانی پوج ءَمرچی ادار دو ءَ بیڑ برتگ ءُکریم ء رشید آوار جنگ ءَ پد بیگواہ کرتگ۔
