کیچ : مند سورو ءَ پاکستانی پوج ءِ جوڑ کرتگیں ھندی کشندہ ٹولی ءِ کارمندانی دست ءَ ناھک ءَ کشگ بیتگیں ورنا ازھار بلوچ، ملا بھرام بلوچ ، جلال بلوچ ءُ التاپ بلوچ ءِ کوش ءِ بگیری ءَ بی وائی سی کیچ ءِ نیمگ ءَ زھرشانی کنگ بوتگ۔ زھرشانی ءَ بازیں کچے ءَ مردماں بھر زرتگ۔
آیاں تران کرتگ ءُ گوشتگ کہ بلوچ ءِ سر ءَ ھمک زوراک ءَ زوراکی کرتگ بلے بلوچ ءَھمک زوراک ءِِ دیم ءَ گوں بھادری ءَ دیم پہ دیمی کرتگ۔ گڑا بلوچ مرچی ھم پنجاپی ءِ دیم ءَ گھگیری کنت ءُ گوں مھکمی ءَ اوشت ایت۔
آئی ءَ گوشتگ کہ مرچی زوراکی ءِ گڈی سیمسر اِنت اے ڈیھ ءَ کانود ءُ راھبند ھست بلے اے درساں نہ من ایتءُآئی ءَ زوراکی ءِ درسیں سیمسر گواز کرتگ اَنت۔ مارا وتی شھری ھم نہ کنت۔ ما ھم ریاست ءَ گوش ایں کہ مارا ھم تئی ھاجت نہ اِنت گڑا مارا ھم وتی وڑ ءَ یل بہ کن۔
آیاں گوشتگ کہ جھان ءِ تہ ءَ چو بلوچ ءِ وڑ ءَ آدگہ راج ھم بیتگ اَنت بلے آیاں چہ وتی دیمونیانی برورد ءَ آجوئی گپتگ۔ اے یک گرانیں ساھتے پہ بلوچ ءَ آتکگ گڑا مارا اے گرانیں ساھت اوپار کنگ ءُ دیم ءَ جنزگی اِنت۔
آیاں گوں سرکار ءَ لوٹ کرتگ کہ ورنایانی کشندہ دزگیر کنگ ءُ گوں آیانی کھولاں انساپ کنگ بہ بیت۔
