بلوچستان لبریشن پرنٹ ( بی ایل؛ ایپ ) ءِ جارکش میجر گھرام بلوچ ءَ گوشتگ کہ ھبدہ ستمبر ءِ سھب ءَ دہ ءِ نزیک ءَ بی ایل ایپ ءِ سرمچاراں تربت ءِ ھند پیدارک ءَ زورگریں پاکستانی پوج ءِ کاروان ءِ سر ءَ سنگر گپتگ ءُ ارش کرتگ۔ ارش ءَ مزن ءُ نوکیں سلاہ کارمرز کرتگ اَنت ایشی آسر ءَ زورگریں پوج ءِ پنچ کارمند جاھی مرتگ ءُ نائیک پکر ءَ ھوار باز کارمند ٹپی بیتگ۔ سرمچار چہ ترندیں ارش ءَ پد پہ سلامتی درکپگ ءَ سوبین بیتگ اَنت۔
آئی ءَ گوشتگ کہ یازدہ ستمبر ءِسھب ءَ یازدہ ءِ نزیک ءَ بی ایل ایپ ءِ سرمچاراں تربت ءِ ھند بلیدہ میناز ءَ پہ پوج ءَ راشن بروکیں یک گاڑی یے گپتگ۔
میجر گھرام بلوچ ءَ دوئیں کاروائیانی زمہ واری من اتگ ءُ گوشتگ کہ رسانکدر ءِ پارست ءَ یکبرے پد ءَ گوش ایں کہ اے جنگ آماچیں چاگرد ءَ پوج ءِ کمکاری یک مزنیں راجدروھی یے پمشکا گاڑی واھند ءُ ڈرائیور وتی گاڑیاں پہ دژمن ءِ کمکاری ءَ کارمرز مہ کن اَنت اگاں نہ گل آیانی بگیری ءَ گوں ترندی ءَ کاروائی کنت۔
