زوربیگواھیں سلمان بلوچ ءِ گھار سادیہ بلوچ ءَ ماں رسانکدر ءَ وتی پوسٹے ءَ نبشتگ کہ منی برات ءِ زوربیگواھی ءَ سَے سال سرجم بوگ ءَ اِنت بلے آئی ھچ ھال نیست کہ آ چون ءُ کج ءَ اِنت۔ مار اے ھم گوشگ نہ بوتگ کہ مئے برات کجام میار ءَ آوار جتگ ءُ مارا کجام میار ءِ سزا دیگ ءَ اِنت۔
آئی گوشتگ کہ من ھمے جستانی پسو ءِ لوٹگ ءَ یکبرے پد ءَ اسلام آباد ءَ آتکگ آں مرچی اے جھد ءَ 63 روچ سرجم بوتگ بلے انگت چشیں یک درے نیست اود ءَ انساپ بہ دیگ بہ بیت۔ گوش داروک ءُ پسو دیوک کس نیست۔
آئی گوشتگ کہ مئے آزیز کجام میار ءَ بیگواہ کنگ بوتگ اَنت آیانی میار چے بوتگ ءُ مئے میار چے اِنت۔
