بلوچ لبریشن آرمی ( بی ایل اے ) ءِ جارکش جیھند بلوچ ءَ گوشتگ کہ بی ایل اے ءِ سرمچاراں مند، مستونگ ءُ نوشکے ءَ سے جتائیں کاروائیاں زورگریں پاکستانی پوج ءُ آئی جتگیں چاریگی کیمرہ نشانگ کرتگ اَنت۔
آئی ءَ گوشتگ کہ بی ایل اے ءِ سرمچاراں مرچی کیچ ءِ ھند مند ، شند ءَ زورگریں پاکستانی پوج ءِ 125 ونگ ءِ کاروان ءَ ھواریں یک گاڑی یے گوں چیر کرتگیں شورھاں نشانگ کرتگ۔ تراک ءِ آسرءَ زورگریں پوج کیپٹن وکارکاکڑ، نائک جنید، نائیک اسمت، لانس نائیک ھان مھمد ءُ سپاھی زھور اھمد ءَ ھوار ھشت کارمند مرتگ۔
جارکش ءَ گوشتگ کہ بی ایل اے ءِ سرمچاراں شمبے ءِ روچ ءَ مستونگ ءِ ھند مرو ءَ زورگریں پاکستانی پوجءِ پیادگیں کارمند ھما وھد ءَ نشانگ کرتگ اَنت کہ آ کھر ءَ دیم ءَ جنزگ ءِ جھد ءَ بیتگ اَنت۔ سرمچاراں سنگر گپتگ ءُ زورگریں پوج ءِ کارمند نشانگ کرتگ اَنت کہ ایشی آسر ءَ جانی تاوان بیتگ، آدگہ کارمنداں وتی ھمراہ یل داتگ ءُ جستگ اَنت۔
آئی ءَ گوشتگ کہ دگہ یک کاروائی یے ءَ بی ایل اے ءِ سرمچاراں آدینگ ءِ شپ ءَ نوشکے ءِ شھر ءَ ڈی سی ءِ کارگس ءُ آئی کش ءُ کراں زورگریں پوج ءِ نیمگ ءَ جنگ بیتگیں چاریگی کیمرہ نشانگ کرتگ ءُ تباہ کرتگ اَنت۔ اے میان ءَ زورگریں پوج ءَ کواڈکاپٹر کارمرز کرتگ کہ سرمچاراں جتگ ءُ دور داتگ۔ ھمےمیان ءَ لیویز کارمنداں سرمچارانی دیم ءَ اڑاند ودی کنگءَ جھد کرتگ کہ سرمچاراں پسھی ارش ءَ آیان ءَ ھم نشانگ کرتگ۔
جارکش ءَ گوشتگ کہ بی ایل اے ءَ پیش ءَ ھم گوشتگ کہ لیویز ءُ پولیس کارمند بلوچ بوگ ءِ بنیاد ءَ بکشگ بیتگ اَنت۔ اگاں اے کارمنداں بلوچ سرمچارانی دیم ءَ اڑاند ودی کنگ ءِ جھد کرت گڑا بکشگ ھم نہ بنت۔
جیھند بلوچ ءَِ ارشانی زمہ واری من اتگ ءُ گوشتگ کہ دژمنءِ سر ءَ ارشانی ترند کنگ ءِ کول ءَ کن ایں۔ داں بلوچ راجی آجوئی ءَ اے سلاہ بندیں جھد برجاہ بیت ءُ زورگریں پوج ءَ ھر پڑا بے سوب کن ایں۔
