کراچی: پہ زوربیگواھیں ورنایانی پد جنگ ءَ کراچی پریس کلب ءِ دیم ءَ برجاھیں زھرشانی نندانک ءَ مرچی 34 روچ سرجم بیتگ کہ انگت ءَبرجاہ اِنت۔
چہ زھرشانی جاہ ءَ بیگواھیں زاھد بلوچ ءِ پت اَبدلھمید بلوچ ءَ تران کرتگ ءُ گوشتگ کہ منی زھگ کار ءُ باری مردم ءُ بے میاریں ورنایے ، اگاں آئی ءِ سر ءَ چونیں بھتامے ھست آمیدگس ءَ پیش کنگ بہ بیت ۔
آئی ءَ گوشتگ کہ من پیسر ءَ جگر ءِ نادراہ آں ءُ زھگ ءِزوربیگواھی ءَ منی نادراھی گیش کرتگ۔ زاھد الی ءِ مات ھمک روچ وتی زھگ ءِوداریگ اِنت کہ منی زھگ کدی پہ سلامتی گس ءَ واتر کیت۔
ابدالھمید گوں انسانی ھکانی ادارہ، سول سوسائٹیءُ لس مردماں لوٹ کرتگ کہ گوں منی زھگ ءَ ھوار پہ درسیں بیگواھیں مردمانی آجوئی ءَ توار چست بہ کن اِت۔
