دشت: بلوچ یکجھتی کمیٹی ءِ نیمگ ءَ بلوچ چکیچینی ءِ بگیری ءُ اسلام آباد ءَ برجاھیں زھرشانی نندانک ءِ پلہ مرزی ءَ زھرشانی روانکے کشگ بوتگ۔
روانک ءَ زور بیگواھیں مردمانی کھول، نودربر، سیاسی ءُ چاگردی کارکن، جنین ءُ زھگاں ھوار جتائیں بھرگاں سیادی داروکیں مردماں بازیں کچے ءَ بھر زرتگ۔
زھرشانی کنوکیں مردماں زور بیگواھیں مردمانی اکس، بینر ءُ پلے کارڈ دستاں بوتگ اَنت۔ زھرشانی کنوکیں مردماں زوریں بیگواھی، دروگیں میڑاں زور بیگواھیں مردمانی ناھکیں کوش ءُ اسلام آباد ءَ برجاھیں زھرشانی نندانک ءِ پلہ مرزی ءَ اوگام جتگ۔
ھمے وڑ ءَ یک شمبے ءِ روچ ءَ بلوچ یکجھتی کمیٹی ءِ جار ءِ پد ءَ بلیدہ ءَ تھتگ بند ھرتال کنگ بوتگ ءُ بیگاہ ءَ زھرشانی روانکے کشگ بیت۔
بنشون ءِ رد ءَ بلوچ یکجھتی کمیٹی ءِ نیمگءَ دشت ءُ بلیدہ ءِ ھواری ءَ مرچی کراچی ءَ ھم زھرشانی روانکے کشگ بوگ ءَ اِنت۔
یات بہ بہ اِت کہ مرچی بلوچ یکجھتی کمیٹی ءِ نیمگ ءَ اسلام آباد پریس کلب ءِ دیم ءَ زھرشانی نندانک ءَ نزوریں راجانی میان استمانی کانپریسے برجاہ اِنت۔
