آواران: جاھو ءَ پاکستانی پوج شھید ھاسل مراد پنام ساربان ءِ کھول ءَ یکشل ءَ تنگ کنگ ءَ اِنت۔
زرمبش جھگیر ءِ رد ءَ پاکستانی پوج ءَ دو اگست ءَ جاھو ءِمیتگ چھبی ءَ شھید ھاسل مراد پنام ءِ ساربان بلوچ ء مراد بکش ءِ گس ءَ بیڑ برتگ ءُ آئی پت مراد بکش ءِ جست کرتگ ءُ گوشتگ کہ مراد بکش ھرھال ءَ کوھڑو بنجل ءَ بیئت ءُ پیش بہ بیت۔ بلے مراد بکش اے وھد ءَ نادراہ اِنت ءُ کراچی ءَ آئی الاج بوگ ءَ اِنت۔
ھندی بنشون ءِ رد ءَ پاکستانی پوج ءَ بیڑ برگ ءِ میان ءَ گوں مردماں زوراکی کرتگ ءُ مردمانی پجار کارڈ ھم برتگ اَنت ءُ ھمک روچ بیھار دیگ ءَ اِنت کہ مراد بکش ءَ کوھڑو بنجل ءَ بیار اِت۔
چوش کہ شھید ھاسل مراد ءِ پت مراد بکش ء یارو پاکستانی پوج ءَ دہ جولائی 2025 ءَ آوار جتگ ءُ بیگواہ کرتگ اَت، پد ءَ دوازدہ اگست ءَ شھید ھاسل ءِ شھیدی ءِ دومی روچ ءَ یل داتگ کہ آ پد ءَ ھما اِنت نادراہ اِنت۔
پاکستانی پوج ءَ 25 نومبر 2021 ءَ شھید ھاسل مراد ء لوگبانک روبینہ بلوچ ھم آوار جتگ اَت ءُ داں 24 اداراں بندیگ کنگ ءَ پد یل داتگ۔
شھید ھاسل مراد یازدہ اگست 2025 ءَ جاھو گجرو ءَ گوں ریاستی ادارھاں میڑے ءَ شھید بیتگ اَت۔
