میان استمانی انسانی ھکانی داراہ ایمنسٹی انٹر نیشنل ءَ ماہ جبین بلوچ ءُ آئی برات یونس بلوچ ءِ بیگواھی ءِ سر ءَ بژن درشان کرتگ ءُ آیانی زوتیں آجوئی ءِ لوٹ کرتگ۔
آئی ءِ گوشگ اِنت ماہ جبین بلوچ 29 مئی 2025 ءَ چہ ھاسٹل ءَ آوار جنگ بیتگ۔ چہ اے ویل ءَ پنچ روچ پیش آئی برات یونس بلوچ آوار جنگءُ بیگواہ کنگ بیتگ۔
ایمنسٹی انٹر نیشنل ءِ گوشگ اِنت کہ ماہ جبین بلوچ ءُ یونس بلوچ ءِ بابتءَ انگت ءَ آیانی کھول ھال دیگ نہ بیتگ کہ کھول پہ وتی آیزانی آجوئی ءَ وداریگ اِنت۔
گلءَ زور داتگ ءُ گوشتگ کہ زوریں بیگواھیانی درچ بند کنگ بہ بیتءُ ماہ جبین بلوچ ءُ یونس بلوچ ءَ ھوار درسیں بیگواھیں مردمانی بابت ءَ زوت سرپدی دیگ بہ بیت۔
