لندن ءَ بلوچ ریپبلکن پارٹی ءِ نیمگ ءَ شھید نواب اکبر ھان بگٹی ءِ شھیدی سالروچ ءِ درگت ءَ دیوانے برجم دارگ بیتگ۔ دیوان ءَ بلوچ، سندی ءُ پشتون سروکاں ھوار جتائیں بھرگاں سیادی داروکیں مردماں بازیں کچے ءَ بھر زرتگ۔
دیوان ءَ مردماں تران کرتگ ءُ شھید نواب اکبر ھان بگٹی ءِ جھد ءُ دیمونی ستک شانی ندر کرتگ اَنت ءُ گوشتگ کہ آئی ءَ داں وتی زندگی ءِ گڈی دم ءَ پہ بلوچانی ھک ءُ پہ بلوچستان ءَ جھد کرتگ۔ نواب اکبر ھان بگٹی ءِ نہ ترسیں لیکہ ءُ راھبندی جھد گوستانک ءِ تہءَ پہ مدامی زندگ مان ایت۔
شیر مھمد بگٹی ءَ تران کرتگ ءُ گوشتگ کہ نواب اکبرھان بگٹی ءِ جھد نہ تھنا پہ بلوچ مھلوک ءَ بلکیں پہ جھان ءِ درسیں نزوریں راجاں یک مزنیں ارزشتے دار ایتءُ آئی دیمونی پہ آھوکیں پدریچ ءَ مادنیں راھے اِنت۔
دیوانے گڈی ءَ مردماں ھمے اھد کرتگ کہ نواب اکبر ھان بگٹی ءِ کاروان ءُ جھد ءَ برجاہ دار ایں ءُ پہ نزوریں راجانی ھک ءَ توار چست کن ایں۔
