بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں 25 اگست ءِ نیمروچ ءَ جاھو ،یوسپ کئور ءَ زورگریں پاکستانی پوج ءِ سنگرانی تہ ءَ پیسر ءَ نشتگ ءُ پوج کارمندانی ودار کرتگ۔ انچوش کہ پوج ءِ کارمند اود ءَ سر بوتگ اَنت سرمچاراں آیانی سر ءَ ترندیں اُرش کرتگ۔ اُرش ءِ آسر ءَ سَے کارمند مرتگ ءُ سے ٹپی بوتگ۔ انچوش گمان بیت کہ آ ھم مرتگ اَنت۔ اُرش ءَ پد سرمچار پہ سلامتی وتی بندراں سر بوتگ اَنت۔
آئی گوشتگ کہ یک دگہ کاروائی یے ءَ بی ایل ایپ ءِ سرمچاراں 23 اگست ءَ کیچ ءِ ھند دشت نریان ڈن ءَ سی پیک شھدگ بستگ ءُ دژمن ءِ سُر پرانی سر ءَ چم سک داتگ۔ ھمے میان ءَ سرمچاراں زورگریں پاکستانی پوج ءِ نیمگ ءَ پہ سرمچارانی چاریگی ءَ جنگ بوتگیں یوپون شرکت ءِ موبائل ٹاور گوں تراکناکیں شورھاں نشانگ کرتگ۔ چہ ایشی ءَ ٹاور سرجم ءَ تباہ بوتگ۔ پہ چاریگی ءَ جنگ بوتگیں کیمرہ ھم سرمچاراں گوں وت برتگ۔
آئی گوشتگ کہ بی ایل ایپ ءِ سرمچاراں 25 اگست ءَ سیمی کاروائی ءَ مستونگ ءِ ھند کڈ کوچگ ءَ شھدگ بستگ ءُ پٹ ءُ پول کرتگ۔ پٹ ءُ پول ءِ وھد ءَ سلاہ بندیں مردمے دزگیر کرتگ ءُ آئی سلاہ پُل اتگ۔
دگ بندی ءِ وھد ءَ پاکستانی پوج ءَ سرمچارانی رندگیری کنگ ءِ جھد کرتگ سرمچارانی یک ٹولی یے ءَ آیانی سر ءَ اُرش کرتگ ءُ پد کنزگ ءَ لاچار کرتگ۔ اے میڑ ءَ پاکستانی پوج ءِ دو کارمند ٹپی بوتگ۔
میجر گھرام گڈی ءَ اُرشانی زمہ واری من اِتگ۔
