کیچ: چہ تربت ءَ پاکستانی پوج ءِ دست ءَ زور بیگواھیں اسمان مکبول ءِ تیرسپتگیں لاش دزکپتگ۔
زرمبش جھگیر ءِ رد ءَ اسمان مکبول پیدراک ءِ جاہ منند اِنت کہ 24 اگست2025 ءَ چہ تربت ءَ پوج ءَ آوار جتگ ءُبیگواہ کرتگ اَت کہ مرچی آئی لاش پیدارک دگ ءَ بانک ءِ چڑائی ءِ نزیک ءَ دست کپتگ۔
اسمان مکبول اولی رند ءَ 2019 ءَ چہ پیدراک ءَ بیگواہ کنگ بیتگ ءُ پد ءَ 2021 ءَ آجو بیتگ اے آئی دومی رند اِنت کہ بیگواہ کنگ بیتگ اَت۔
اسمان مکبول ءِ کھول ءِ دگہ ھم یک ورنایے انایت اللہ ء نیامت بلوچ پاکستانی پوج ءَ 7 ستمبر 2015 ءَ چہ تربت ءَ آوار جتگ ءُ بیگواہ کرتگ کہ انگت ءَ بیگواہ اِنت۔
چوش کہ نومبر 2023 ءَ پاکستانی پوج ءَ چار ورنا بالاچ مولابکش، ودود بلوچ ءُ سیپ بلوچ ءُ شکور بلوچ ءِ لاش ھم ھمے بانک ءِ چڑآئی ءَچگل داتگ اِ ت اَنت۔
