کیچ: چہ تربت ءَ پاکستانی پوج ءِ دست ءَ بیگواہ کرتگیں گورکوپ ءِ جھمنندیں کمال بلوچ ء دینار ءِ کھول ءَ چہ انسانی ھکانی ادارھاں پہ آئی آجوئی توار چست کنگ ءِ لوٹ کرتگ۔
کھول ءَ گوشتگ کہ کمال بلوچ پاکستانی پوج ءَ 20 اگست ءَ چہ تُربت ءَ ھجام ءِ دکان ءَ آوار جتگ ءُ بیگواہ کرتگ۔ انگت آئی ھچ ھال نیست۔
آئی ءَ گوں انسانی ھکانی گلاں لوٹ کرتگ کہ پہ کمال بلوچ ءِ آجوئی ءَ توار چست کنگ ءَ وتی کرد ءَ پیلو بہ کن اِت۔
