گْوادر: چہ گْوادر ءَ پاکستانی پوج ءِ دست ءَ بیگواھیں مردمانی کھول ءُ ھک بہ دئیت زرمبشت ءَپہ بیگواھیں مردمانی آجوئی ءَ ڈپٹی کمشنر ءِ کارگس ءِ دیم ءَ زھرشانی کرتگ۔
زھرشانی ءَ ھک بہ دئیت زرمبشت ءِ سروک ھسین واڈیلہ ءُ بیگواھیں مردمانی کھول ءُ آدگہ مردماں بازیں کچے ءَ بھر زتگ۔
آیاں گوشتگ دانکہ مئے بیگواھیں مردم یل کنگ نہ بنت ما وتی زھرشانی ءَ برجاہ دار ایں۔
چوش کہ زی پاکستانی پوج ءَ گوادر ءِ ھند کلدان ءَ بیڑ برتگ اَت ءُ وسیم بلوچ ء لال جان، وھید بلوچ ء مراد ءُ دگہ یک مردمے آوار جتگ اَت۔
