ھزدار ءِ ھند گریشگ ءَ پاکستانی پوج ءِ جوڑ کرتگیں کشندہ ٹولی ءِ کارمنداں تیرگواری کرتگ ءُ نودربرے ءَ ھوار دو ورنا کشتگ۔
زرمبش جھگیر ءِ رد ءَ کشگ بیتگیں ورنایانی نام اکبال ھکیم ء ھکیم بلوچ ءُ نئیم بلوچ ء شے مھمد اِنت دوئیں گریشگ ءِ جاہ منند اَنت۔ اکبال ھکیم کراچی یونیورسٹی ءِ بی ایس ءِ نودربرےءُ گریشگ ءِ میتگ پتنکنری ءِ جاہ منند اِنت ءُ نئیم ء شے مھمد گریشگ ءِ میتگ بدرنگءِ جاہ منند اِنت۔
ھندی بنشون ءِ رد ءَ اے دوئیں ورنا مرچی سھب ءَ کشندہ ٹولی ءِ کارمنداں گریشگ ندگی ءَ نشانگ کرتگ ءُ کشتگ اَنت۔
