شال: پہ زور بیگواھیں مردمانی پد جنگ ءَ وائس پار بلوچ مسنگ پرسن ( وی بی ایم پی ) ءِ زھرشانی گدانءَ 5915 روچ سرجم بیتگ۔
وی بی ایم پی ءِ سرکماش نسر اللہ بلوچ ءَ وتی شنگ کرتگیں درشانے ءَ گوشتگ کہ میر یوسپ کلندرانی ءَ ھوار آدگہ مردم درکانودی آوار جنگ ءُ بیگواہ کنگ بیتگ اَنت اے نہ انسانی ھکانی بگیری اِنت بلکیں پاکستان ءِ آئین، شھریانی بنیادی آجوئی ءُ میان استمانی انسانی ھکانی تچکیں بگیری اِنت۔
آئی ءَ گوشتگ کہ پاکستان یک جمھوری ریاستے گوشگ بیت گڑا آئی ءَ انسانی ھکانی شرپ ءَ پابند بوگ لوٹ ایت۔ زوریں بیگواھی نہ تھنا شھریانی بنیادی ھکاں لگتمال کنت بلکیں ریاست ءِ انساپ ءِ نزام ءُ ادارھانی سر ءَ یک جستے ودی کنت۔
نسر اللہ بلوچ ءَ لوٹ کرتگ ءُ گوشتگ کہ میر یوسپ الی کلندرانی ءَ ھوار درسیں بیگواھیں مردم زوت یل کنگ بہ بنت ءُ اے درکانودی کار ءَ ھواریں میاربارانی بگیری ءَ کاروائی کنگ بہ بیت۔
