ھیبر پکتونواہ ءَ چہ ترندیں ھورءُ ھارانی سوب ءَ بیستءُ چار ادارانی میان ءَ دگہ چل ءُ پنچ مردم بیران ءُ سی پنچ مردم ٹپی بیتگ اَنت۔
پی ڈی ایم اے ءِ رد ءَ داں انوں بیران بیتگیں مردمانی کچ 358 ءَ سر بیتگ ءُ 181 مردم ٹپی اِنت۔ بیران بیتگیں مردمانی تہ ءَ 287 مردین، 41 جنین ءُ 30 زھگ اَنت۔ اے تاوان ھیبرپکتونواہ ءِ جتاجتائیں ھند ءُ دمگاں بیتگ اَنت کہ آیانی تہ ءَ گیشتر تاوان بونیرءَ بیتگ کہ اود ءَ 225 مردم بیران بیتگ اَنت۔
