بلوچ لبریشن آرمی ( بی ایل اے ) ءِ جارکش جیھند بلوچ ءَ وتی شنگ کرتگیں درشانے ءَ گوشتگ کہ امریکہ ءِ نیمگ ءَ بی ایل اےءِ بھرگ مجید برگیڈ ءَ دری ڈیھانی ناشریں گلانی ھوار کنگءِ انوگیں پیسلہ میان استمانی توانمندانی نیمگ ءَ چہ زمینی راستی ءَ دور ءُ نوک آبادکاری ءِ گپانی بے توار ءَ کمک کنگ اِنت۔ ما چہ اے پیسلہ ءَ نہ ھیران ایں ءُ نہ ایشی پہ نوکیں زورے ءَ گمان کن ایں۔ بی ایل اے ھما گھگیری توان اِنت کہ تھنا زورگریں ریاست ءِ لشکری زوراکیانی بگیری ءَسرگرم اِنت ءُ تھنا پہ وتی زورگپتیں سرڈگار ءِ آجوئی ءَ مڑگ ءَ اِنت۔
آئی ءَ گوشتگ کہ اے راستی تچک اِنت پاکستان ءَ بلوچستان 1948 ءَ گوں زور ءَ دستیگ کرتگ ءُ بی ایل اے ھما روچ ءَ چست بیتگیں گھگیری ءِ درچ اِنت۔ بی ایل اے بلوچ راج ءِ ھما گیرت ءِجنگ اِنت کہ آ چونیں ھم درآمدے ءِ منگ یا میان استمان ءِ سند ءِ مھتاج نہ اِنت۔
جیھند بلوچ ءَ گوشتگ کہ مئے درسیں کاروائی بلوچستان ءَ پاکستانی پوج، چیریں ادارہ، کشندہ ٹولی ءُ آئی کمکارانی بگیری ءَ اَنت۔ مئے جنگ مئے ڈگار ءِ جنگ اِنت، ھما ڈگار کہ مئے کماشانی مڈی بیتگ ءُ آ پہ توپک ءِ زور ءَ پلگ بیتگ۔ ما نہ پاکستان ءِ لس مھلوک ءِ بگیریں ءُ نہ دگہ میان استمانی توانمندے ئے۔ مئے توپک تھنا پہ ھما توانمنداں چست بیت کہ آ مئے سرڈگار ءِ سر ءَ زورگپت اِنتءُ زورگپت چونینے ھم بہ بیت مئے توپک پہ آئی ءَ چست بیت۔
آئی ءَ گوشتگ کہ امریکہ ءِ نیمگ ءَ جنگ بیتگیں بھتام ھما گپ اَنت کہ زورگریں ریاست پاکستان چہ سالاں ھما پندل سازی ءَ کنگ ءَ اِنت۔ ما اے گپ ءَ تچک کن ایں کہ شھری آبادیانی نشانگ کنگ مئے راھبند ءَ ھوار نہ اِنت۔ ما اے گپ ءَھم تچک کن ایں کہ ما وتی جنگ ءَ کسی پسو دیگ ءِ پابند نہ ایں ءُ نہ چونیں ھم پہ گپے ءِ رد ءَ وت ءَ ریاستی نپانی چمدار کن ایں۔
جیھند بلوچ ءَ گوشتگ کہ ما گوں وتی راج ءَ کول کن ایں کہ بی ایل اے چہ وتی لیکہ، لشکری ءُ آشوبی زمہ واریاں پد کنز نہ بیت۔ ما ریاستی گپ، میان استمانی نامینگ یا میا ن استمانی پیسلھاں وتی راہ ءِ دیم ءَ اڑاند بوگ ءَ نیل ایں۔ ما وتی جنگ ءَداں ھما وھد ءَ برجاہ دار ایں دانکہ بلوچ راجی آجوئی ءُ وتواکی نہ گپتگ۔
