بنشون ءِ رد ءَ سی ٹی ڈی ءِ کارمنداں شال ءِ ھند لوھڑ کاریز ءَ گساں بیڑ برتگ ءُ جنینے ءَ هوار هشت مردم زوربیگواه کرتگ ، زوربیگواه کنگ بیتگیں مردم لوھڑ کاریز کتابجاه ءِ سروک بسم الله بلوچ ، نمره کرد ، یاکوب بنگلزئی ء ملا مھمود ، بسم الله شاھوانی ء منیر ، ماما دین مھمد ء ھان مھمد،ھان مھمد ء دین مھمد، یوسپ کرد ء ھیدر ، اویس کرد ء ھلیم ءُ شکور ء ھلیم اِنت۔
ھندی مردمانی گوشگ اِنت که سی ٹی ڈی ءِ کارمنداں دگه شش ھپت مردم آوار جتگ ءُ بیگواه کرتگ که آ انگت پجارگ نه بیتگ اَنت۔
دومی نیمگ ءَ چه کیچ ءِ ھند ھوشاپ ، ارز مھمد بازار ءَ ریاست ءِ جوڑ کرتگیں کشنده ٹولی ءِ کارمنداں زوربیگواھیں آواز بلوچ ءِ پت ھسن ء جان مھمد آوار جتگ ءُ بیگواه کرتگ۔
