بلوچ نیشنل موومنٹ ( بی این ایم ) ءِ چیئرمین ڈاکٹر نسیم بلوچ ءَ ماں چاگردی رسانکدر ایکس ءَ نبشتگ کہ چاردہ اگست پہ بلوچ راج ءَ سیاھیں روچے۔ ھمے روچ ءَ پاکستان ءَ چاردہ اگست ءِ شاتکامی ءِ روچ اِنت، اے پہ بلوچ ءَ پرسیگیں روچے۔آ وتی بیرک ءَ چست کنت گڑآ اے روچ ءَ مئے مات پہ وتی بیگواھیں زھگانی شوھازگ ءَ بنت۔ وھدے کہ آ آزمان ءَ گوں گیس ءَ رژنا کنت ، بلوچستان ءِ ھاک ءَ چہ شھیدانی کبراں پر کنگ ءَ بیت۔
آئیءَ گوشتگ کہ بلوچستان یازدہ اگست 1948 ءَ آجو بیتگ، بلے مارچ 1948 ءَ پاکستان ءَ ارش کرتگءُ مئے وتواکی پل اتگ۔ چہ ھما روچ ءَ داں مرچی مئے مردمانی کشت ءُ کوش ، زوریں بیگواھی، آزاردھی ءُ مئے مڈیانی لٹ ءُ پل برجاہ اِنت۔ مئے ھونانی سر ءَ پاکستان وتی وتگڑیں آجوئی ءِ شاتکامی ءَ دار ایت۔
ڈاکٹر نسیم بلوچ ءَ گوشتگ کہ کسے اے روچ ءَ شادمانی کنت بزاں گوں ھوناں لیب کنگ ءَ اِنت ءُمئے چکچینی ءَ ھوار اِنت۔ انچوش کہ 1971 ءَ بنگلہ دیش ءَ راجدروہ جست گرگ بیتگ اَنت بلوچستان آجو بہ بیت اد ءَ اے میاربارءُ کمکار چست گرگ بنت۔
آئی ءَ گوشتگ کہ چاردہ اگست پما انچیں ٹپے دانکہ ما وتی آجوئی دوبر نہ گپتگ دراہ نہ بیت۔
