بلوچستان لبریشن پرنٹ ءِ چیردستی ءَ آشوب شنگکاری ءِ نیمگ ءَ ماھتاک اِسپر ءِ پازدھمی تاک پہ وانوکاں شنگ کنگ بوتگ۔
اے نوکیں تاک ءَ نہ تھنا انوگیں ملکی ءُ ھندی جاورانی سر ءَ اُورتچاری ءَ چمشانک، سائنسی پگر ءُ لیکہ ءِ رد ءَ ریس ءُ پرّیس (تجزیہ) کنگ بوتگ، بلکیں سلاہ بندیں جھد ءِ پگری ءُ لیکّھی تک ءِ ھمراھی ءَ تکنیکی ءُ پیشبندی ءِ پلو ءَ پھم ءُ زانشت ھم سھرا کُرتگ اَنت۔
اے تاک ءِ زانت چکاریں شونگال، بلوچی ءُ اردو زبان ءِ گچینی ءُ پگر سرّیچیں نبشتانک، بی ایل ایپ ءِ ماھانہ کارروائیانی سرجمیں رپورٹ، ھساب ءُ شمار ءِ رد ءَ اِلمی ءُ پگری تجزیہ (انفو گرافکس) ھوار اَنت۔ دگہ پہ بلوچ راجی جُنز ءِ راہ ءَ وتی جانانی ندْر کنوکیں بلوچ بامرد ءُ شھیدانی بے مُلّ ءُ گْوستانکی اکس ھم اگست ءِ تاک ءَ ھوار اَنت، نہ تھنا دیمونی ءِ داستان ءَ پیش دار اَنت بلکیں آیوکیں پدریچ ءِ سکین ءُ توکل ءِ مھکمیں چیدگ اَنت۔
بلوچستان لبریشن پرنٹ ءِ لٹریچر ادارہ ھرروچیگیں جھد ءُ جپاھانی پارست ءَ اسپر ءَ گچین، بودشت، پگری جھلانکی ءُ لبزانکی زیبائی ءُ نوکیں بدلی ءِ بُلندی شکساتگ۔ مارا سِتک اِنت کہ اے تاک گوں وتی بُنگپّانی جوانی، گوں مانا بکشیں دانک ءُ درشان ءَ وانوکانی ھُبّناکی ءَ گیشتِر ودّین اِیت۔ ما چہ وتی وانوکاں ھمے اُمیت ءَ دار اِیں کہ آ چہ وتی بودناکی، داناکی ءُ گوھریں گُپتاں مارا بھرمند کن اَنت ءُ اے میگزین ءِ سیت ءُ پہ دیمروئی ءَ گیشی کار اَنت۔
