شال: پہ زوربیگواھیں مردمانی پد جنگ ءَ برجاھیں وی بی ایم پی ءِ شد کشیں زھرشانی گدان ءَ 5905 روچ سرجم بوتگ۔ شمبے ءِ روچ ءَ وی بی ایم پی ءِ سرکماش نسر اللہ بلوچ گدانءَ ساڑ ی بیتگ۔
نسراللہ بلوچ ءَ تران کرتگ ءُ گوشتگ کہ بیگواھیں مردمانی آجوئی ءِ درچ بند کنگ بوتگ۔ ریاستی ادارھاں پہ ڈیھ سلامتی ءِ نام ءَ زوربیگواھی ءُ بلوچانی درکانودی کوش تیز کرتگ۔
آئی گوشتگ کہ بژنی گپ ایش اِنت کہ پہ اے درکانودی کوش ءِدارگ ءَ سرکار ءِ جوڑ کرتگیں انساپ دیگ ءَ جوڑ کنگ بوتگیں ادارہ وتی راھبندی زمہ واریاں پیلو کنگ ءَ نہ اَنت۔ چہ ایشی سوب ءَ بلوچستان ءِ مردمانی بیسہ چہ اے ادارھانی سر ءَ ھلاس بوگ ءَ اِنت۔ چہ ایشی ءَ بلوچستان ءِ جاور شری ءِ جاہ ءَ روچ پہ روچ گنتر بوگ ءَ اَنت۔
آئی گوشتگ کہ انوں وھد ھست کہ سرکار ءُ ڈیھ ءِ ادارھانی سروگاں گوں دلجمی ءَ دلگوش گور بہ کن اَنت ءُ بلوچستان ءَ زور ءِ چکاسگ ءُ درکانودی کاراں پھریز بہ کن اَنت۔
