بلوچستان لبریشن پرنٹ (بی ایل ایپ) ءِ جارکش میجر گھرام ءَ گوشتگ کہ بی ایل ایپ ءِ سرمچاراں شش اگست ءَ تمپ ءَ کشندہ ٹولی ءِ کارمندانی سر ءَ اُرش کرتگ۔ اے اُرش ءَ کشندہ ٹولی ءِ یک کارمندے ٹپی بوتگ ءُ مئے سرمچار سیکنڈ لپٹننٹ جبار پنام اسد پہ ماتیں وتن ءَ ندر بوتگ ءُ شھیدی ءِ گرانبھائیں نام کٹ اِتگ۔ بی ایل ایپ سیکنڈ لپٹننٹ شھید جبار پنام اسد ءِ بے مٹیں دیمونیاں ستک شانی ندر کنت ءُ ھمے کول ءَ کنت کہ آئی جھد ءَ منزل سر کنت۔
آئی گوشتگ کہ سیکنڈ لیپٹننٹ شھید جبار بلوچ 2020 ءَ بلوچ راجی آجوئی ءِ زرمبشت ءَ ھوار بوتگ ءُ بلوچستان لبریشن پرنٹ ءَ جھد بندات کرتگ۔ بندات ءَ شھری جنگ ءَ گل ءِ کاراں کنگ ءَ بیتگ ءُ چہ وتی زانشت، بودناکی ءُ گلءِ پھمگ ءِ سوب ءَ کسانیں وھدے ءَ یک جوانیں سنگتے ءِ ھساب ءَ دیم ءَ اتکگ۔ 2022ءَ گل ءِ پیسلہ ءِ رد ءَ آ سراوان دمگ ءِ بنجل ءَ دیم دیگ بوتگ۔ اودءَ آئی گوں یکشلیں جھد، ایمانداری ءُ گوں ستک ء دل ءَ جنگ ءَ شریں وڑے ءَ وتی زمہ واری پیلو کرتگ اَنت۔ پد ءَ آ گیش گل ءِ لوٹانی بنیاد ءَ مکُران دمگ ءَ دیم دیگ بوتگ۔
جارکش ءَ گوشتگ کہ شھید جبار بولان، مستونگ، تمپ، تُربَت، مند، کلبر، سیاھجی، مزن بند ءَ ھوار بازیں ھنداں بی ایل ایپ جوانیں جنگی کاروئیاں بھر زرتگ۔ مند متسنگ ءَ پوج ءِ بنجل ءِ دستیگ ءُ آپریشن بام ءِ وڑیں مزنیں کاروئیاں وتی کرد پیلو کرتگ ءُ دژمن بازیں تاوان داتگ۔
آئی گوشتگ کہ سیکنڈ لیپٹننٹ شھید جبار پنام اسد ء دین مھمد کیچ ءِ ھند تمپ ءِ جھمنند اِنت۔ آ یک زانتکار ءُ جپاکشیں ورنایے بیتگ۔ شھید ءَ بنداتی وانگ بنکی ھنکیں تمپ ءَ دربرتگ ءُ پہ گیشں وانگ ءَ شال ءَ شتگ۔ آ گل ءِ گچین ءُ زانتکاریں ٹیکنیکل سرمچارے بیتگ۔ آئی جتائیں جنگاں گوں وتی بودناکیاں زمہ واری پیلو کرتگ۔ آئی چہ وتی مزن زانتی، مھکم لیکھی ءُ چہ تیکنیکی پھم ءَ گل ءِ تہ ءَ زوت پہ وت جاھے گپتگ۔ شھید ءَ سکا گوں وپاداری، راستی ءُ ایمانداری ءَ وتی زمہ واری پیلو کرتگ اَنت ءُ داں گڈی دمان ءَ وپاداری پیش داشتگ۔
میجر گھرام ءَ سیکنڈ لیپٹننٹ شھید جبار پنام اسد بلوچ ءَ آئی گرانبھائیں دیمونی ءِ سر ءَ ستک شانی ندر کرتگ ءُ گوشتگ کہ جبار ءِ شھید کنگ ءَ ھواریں کشندہ ٹولی ءِ کارمندانی پجار گل ءِ کر ءَ ھست اَنت۔ آ زوت گڈی آسر ءَ سر کنگ بنت۔
