شال: مستونگ ءِ جاه منند یں پاکستانی پوج ءِ دست ءَ کشگ بیتگیں ورنا اھسان شاه ءِ مات چار روچ اِنت که شال پریس کلب ءِ دیم ءَ زھرشانی کنگ اِنت۔
اهسان شاه ءِ مات ءِ گوشگ اِنت که منی زھگ چه پاکستانی پوج ءِ نیمگ ءَ چاریگی ءَ لاچار کنگ بیتگ بلے آئی ءَ چاریگی نہ کرتگ ھمے سوب ءَ پاکستانی پوج ءَ کشتگ۔
آئی ءَ گوشتگ که مارا دو ماه اِنت که آمیدگساں ھوار درسیں کانودی ادارھانی در ٹک اِتگ اَنت بلے انگت ءَ مارا ھچ وڑیں انساپ دیگ بہ بیتگ۔
اھسان شاه ءِ مات ءَ گوں میان استمانی انسانی ھکانی اداره ءُ سیاسی گلاں لوٹ کرتگ که آ منی بے میاریں زھگ ءِ ناھکیں کوش ءِ بگیری ءَ توار چست به کن اَنت ءُ په انساپ دیگ ءَ وتی کرد ءَ پیلو به کن اَنت۔
