کراچی: زوربیگواھیں زاھد بلوچ ءِ کھول ءَ مرچی چار روچ اِنت کہ کراچی پریس کلب ءِ دیم ءَ زھرشانی ءَ نشتگ۔ زھرشانی گدان ءَ زاھد ءِ سیاد، انسانی ھکانی کارکن ءُ نودربراں بازیں کچے ءَ بھر زرتگ۔
زھرشانی نندانک ءَ پلے کارڈ ایر بیتگ اَنت کہ آیانی سر ءَ پہ زاھد بلوچءِ آجوئیءَ جتائیں اوگام نبشتگ بیتگ۔
زاھد ءِ کھول ءَ گوشتگ دانکہ زاھد آجو کنگ نہ بوتگ ما ھم روچ کراچی پریس کلب ءِ دیم ءَ وتی پُر ایمنیں زھرشانی گدان ءَ برجاہ داریں۔
آیاں گوں انسانی ھکانی ادارہ، ءُ آمیدگس ءُ میڈیا ءَ ھوار درسیں انسان دوستیں مردماں لوٹ کرتگ کہ زاھد بلوچ ءَ ھوار پہ درسیں بیگواھیں مردمانی آجوئی ءَ وتی کرد ءَ پیلو بہ کن اِت۔
