شال : پہ زور بیگواھیں مردمانی پدجنگ ءَ وی بی ایم پی ءِ شدکشیں زھرشانی کیمپ ءَ 5903 روچ سرجم بیتگ۔ پنچ شمبے ءِ زورچ ءَ بیگواھیں زاکر اسماھیل ءِ کھول اتکگ ءُ کیمپ ءَ نشتگ۔
زور بیگواھیں زاکر اسماھیل ءِ کھول ءِ گوشگ اِنت کہ زاکراسماھیل ء مھمد اسماھیل ھزدار ءِ ھند نال ءِ جاہ مند اِنت کہ 11 پروری 2013 ءَ پاکستانی پوج ءَ چہ کراچی ءِ ھند لکی نادرن بائی پاس ءَ آوار جتگ۔
کھول ءِ گوشگ اِنت پہ زاکر اسماھیل ءِ سلامتی آجوئی ءَ انتزامیہءَ ھوار پہ انساپ ءَ جوڑ کنگ بیتگیں ادارھانی دروازگ ٹک اتگ اَنت بلے داں انوں ھچ وڑیں انساپ نہ رشتگ۔ چہ ھمے سوب ءَ ما سکانی جنجالانی دیمپان ایں،
وی بی ایم پی ءِ سرکماش نسر اللہ بلوچ ءَ گوں سرکار ءُ ڈیھ ءِ ادارھانی سروکانی گون ءَ لوٹ کرتگ کہ زاکر اسماھیل ءِ سر ءَ چونیں بھتامے ھست گڑا آمیدگس ءَ پیش کنگ ءُ وتی بے میار پیش کنگ ءِ موہ دیگ بہ بیت۔ اگاں بے میار اِنت گڑا پہ آئی یل کناھینگ ءَ دلجمی دیگ ءَ وتی کرد ءَ پیلو بہ کن اِت ءُ کھول ءَ چہ اے گرانیں رنجاں بہ کش اِت۔
