شال: پاکستانی پوج ءِ دست ءَ کشگ بوتگیں مستونگ ءِ جاہ منندیں ورنا اھسان شاہ ءِ مات ءَ شال پریس کلب ءَ پریس کانپرنس کرتگ ءُ گوشتگ کہ منی زھگ اھسان شاہ شازدہ سالی ئیں نودربرے بوتگ کہ پاکستانی پوج ءَ نشانگ کرتگ ءُ کشتگ۔
آئی گوشتگ کہ منی زھگ زانتکاریں ورنایے بوتگ ءُ چہ ائید ءَ سَے روچ پیش آئی شال ءَ پہ وتی کستریں برات ءُ گھاراں ائید ءِ درگت ءَ گد ءُ چمپل گپتگ ءُ چہ شال ءَ مستونگ ءَ پیداک بوت کہ لک پاس ءَ پاکستانی پوج ءَ ابید چہ جست ءُ پرس ءَ آیانی سر ءَ تیرگواری کرتگ ءُ کشتگ۔
آئی گوشتگ کہ اے آئید وشی ءُ شاتکامیانی روچ اِنت بلے اے پمن کھر جوڑ کنگ بیتگ۔
آئی گوشتگ کہ منی زھگ سلاہ بندیں مردمے نہ بیتگ بلکیں یک بے میاریں مردمے بیتگ ، آئی کوش یک ویلے نہ اِنت بلکیں تچک ءَ درکانودی تیرگواری کنگ ءُ کشگ بیتگ۔
