کیچ: پاکستانی پوج ءَ چہ جتا جتائیں جاھاں چار مردم آوار جنگ ءَ پد بیگواہ کرتگ۔
بنشون ءِ رد ءَ بیگواھیں مردمانی نام ڈاکٹر داد شاہ ء ھدا بکش جاہ منند سنگ آباد، امان بلوچ ء تاھر، نیک سال آسمی ءُ سنجر ء ماسٹر سادک اِنت۔
دادشاہ دوشمبے ءِ روچ ءَ چہ تربت شھر ءَ آوار جنگ ءُ بیگواہ کنگ بیتگ۔ نیک سال آسمی چہ ھوشاپ ءَ ھما وھد ءَ آوار جنگ بیتگ کہ آ پہ وتی بیگواھیں گھارزتک آواز ھسن ءَ گُد برگ ءُ پہ پیشی ءَ روگ ءَ بیتگ۔ آواز ھسن ء ھسن پیسر ءَ چہ ارز مھمد بازار ءَ بیگواہ کنگ بیتگ اَت۔
بنشون ءِ رد ءَ امان بلوچ ء تاھر بلوچ سنگانی سر تربت ءِ جاہ منند اِنت کہ پاکستانی پوج ءِ کارمنداں چہ ٹی ایم سی نادراھجاہ ءِ نزیک ءَ آوار جتگ ءُ بیگواہ کرتگ۔
زرمبش جھگیر ءِ رد ءَ بیگواھیں سنجر ء ماسٹر سادک تمپ ءِ جاہ منند اِنت کہ دوشی پاکستانی پوج ءَ گس ءَ بیڑ برتگ ءُ گوں مردماں زوراکی کنگ ءَ پد آوار جتگ ءُ بیگواہ کرتگ۔
