بلوچ لبریشن آرمی ( بی ایل اے ) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں زامران، ڈاڈر ءُ مستونگ ءَ پنچ جتائیں ارشاں زورگریں پاکستانی پوج،آئی راشن ءُ مادن بروکیں گاڑی نشانگ کرتگ اَنت۔
آئی ءَ گوشتگ کہ بی ایل اے ءِ سرمچاراں زی زامران ءِ ھند جابشان ءَ زورگریں پاکستانی پوج ءِ کارمند ھما وھد ءَ گوں چیر کرتگیں شورھاں نشانگ کرتگ اَنت کہ آ پہ وتی چوکی ءَ آپ برگ ءَ بیتگ اَنت۔ تراک ءِ آسرءَ دو کارمند ٹپی بیتگ۔
جارکش ءَ گوشتگ کہ بی ایل اے ءِ سرمچاراں آدینگ ءِ شپ ءَ ڈاڈر ءِ ھند سنی شوران ءَ زورگریں پاکستانی پوج ءِ مزنیں بنجل ءِ دروازگ ءَ ساڑی ئیں پھازداریں چار کارمند نشانگ کرتگ۔ ارش ءِ آسر ءَ زورگریں پوج ءَ جانی تاوان بیتگ۔ ارش ءَ پد پروش وارتگیں زورگریں پوج ءَ آبادیانی سر ءَ باز مارٹر آس داتگ۔
آئی ءَ گوشتگ کہ بی ایل اے ءِ سرمچاراں شمبے ءِ روچ ءَ مستونگءِ ھند گلام پڑنز ءَ بلوچ راجی مڈیانی لٹ ءُ پل ءَ ھواریں دو گاڑی نشانگ کرتگ۔ سرمچاراں ڈرائیورکڈن کنگ ءَ پد یل داتگ اَنت۔
جارکش ءَ گوشتگ کہ بی ایل اے ءِ سرمچاراں زی مستونگ ءِ ھند اسپلنجی مرو ءَ پہ زورگریں پاکستانی پوجءَ راشن بروکیں دو ٹرک گپتگ۔
آئی ءَ گوشتگ کہ ھمے وڑ ءَ سرمچاراں مرچی تگرانءِ ھند ابدوئی ءَ پہ زورگریں پوج ءَ سامان بروکیں ٹرکے مانداشتگ۔
جیھند بلوچ ءَ گوشتگ کہ درسیں ٹرانسپوٹراں تچک ءَ گوش ایں کہ ھما مردم کہ پہ پاکستانی پوج ءَ راشن بارت یا مادن برگ ءَ ھوار اِنت آ وتی اے کار ءَ یل بہ کنت۔ اگاں نہ آ انچوش کنگ بنت کہ مرچی زورگریں پوج ءِ راشن بیتگ۔
