اسلام آباد: ڈاکٹر ماہ رنگ ءُ سمی دین ءَ ماں چاگردی رسانکدر ایکس ءَ نبشتگ کہ سلامتی ءُ وتواکی ءِ نام ءَ پاکستان ءُ ایران لّس بلوچانی زھگ ءُ جنینانی زندمان ءَ ترس آماچ کنگ ءَ اَنت۔ پہ وتی سلامتی ءُ وتواکی ءِ پھازداری ءِ نیمون ءَ بلوچانی سر ءَ میزائل آس دیگ ءَ اَنت۔ چہ ایشی سیمسر ءَ دوئیں نیمگاں بلوچانی تاوان ءِ ترس اِنت۔
![](https://zrumbesh.com/wp-content/uploads/2024/01/1000200221.jpg)
آیاں گوشتگ کہ برجاھیں بلوچ چکچینی یکشل ءَ تیز کنگ بوگ ءَ اِنت، چہ ایشی بلوچانی زندمان ءُ نپاں ترس ھست۔ گمیگ کنگی ئیں راستی ھمیش اِنت کہ پھازداری ءِ نام رد کارمرز کنگ بوگ ءَ اِنت۔ چہ ایشی ءَ لس بلوچ شھرمنند تیوک ءَ جنین ءُ زھگ آزارانی دیمپان کنگ بوتگ اَنت۔
اے بارو ءَ سمی دین ءَ گوشتگ کہ سیمسر ءِ دوئیں نیمگاں بلوچ جنگ بوگ ءَ اَنت۔ اے گپ ءَ ھچ پرک نیست کہ جنگ ءَ کئے مڑگ ءَ اِنت یا کئے نشانگ بوگ ءَ اِنت بلکیں بلوچ جنگ بوگ ءَ اَنت۔