پنجگور: چار روچ پیش پاکستانی پوج ءِ جوڑ کرتگیں کشندہ ٹولی ءِ کارمندانی دست ءَ بیگواہ کنگ بیتگیں ورنایے ءِ لاش دزکپتگ۔
زرمبش جھگیر ءَ رد ءَ کشگ بیتگیں ورنا ءِ نام شاہ جان ء مراد اِنت کہ پنجگور ءِ ھند مجبور آباد ءِ جاہ منند اِنت۔ چار روچ پیش کشندہ ٹولی ءِ کارمنداں چہ پنجگور ءَ چتکان بازار ءَ آوار جتگ ءُ بیگواہ کرتگ مرچی آئی لاش دزکپتگ۔
ھندی مردمے ءِ گوشگ اِنت کہ کشندہ ٹولی ءِ کارمند پاکستانی پوج ءِ بنجل ءَ ھم پترگ ءَ گندگ بیتگ اَنت۔ آئی کھول پہ ایپ آئی آر ءَ پولیس تانہ ءَ شتگ گڑا پولیس ءَ ایپ آئی آر نہ کرتگ۔
چوش کہ زی چہ پنجگور ءَ زور بیگواھیں انایت اللہ ء ھیر مھمد ءِ لاش دزکپتگ اَت۔ انایت اللہ ءَ ھم پاکستانی پوج ءِ جوڑ کرتگیں کشندہ ٹولی ءِ کارمنداں آوار جتگ ءُ بیگواہ کرتگ اَت۔
