کیچ ءِ ھند شھرک ءَ پاکستانی پوج ءَ گسے ءَ بیڑ برتگ ءُ پزار ء میار نامیں ورنایے آوار جتگءُ بیگواہ کرتگ، آئی کھول ءَ زھرشانی ءَ سی پیک دگ بند کرتگ۔
بنشون ءِ رد ءَ پاکستانی پوج ءُ چیریں ادارھانی کارمنداں دوشی سرجمیں میتگ انگر کرتگ ءُ گس پٹ ءُ پول کرتگ اَنت پراز میار آوار جتگ ءُ گوں وت برتگ۔ مرچی سھب ءَ پراز ءِ کھول ءَ زھرشانی ءَ سی پیک دگ بند کرتگ۔
زھرشانی ءَ ھندی مردماں بازیں کچے ءَ بھر زرتگ ءُ پہ پراز ءِ آجوئیءَ لوٹ کرتگ۔ کھول ءِ گوشگ اِنت دانکہ مئے زھگ آجو کنگ نہ بیتگ ما وتی زھرشانی ءَ برجاہ دار ایں۔
چوش کہ چہ ایشی ءَ پیش ھم شھرک ءُ کِر ءُ کشاں پاکستانی پوجءِ دست ءَ زوریں بیگوھیانی بگیریءَ کھولاں زھرشانی ءَ سی پیک دگ بند کرتگ۔ ھمک وھد ءَ دمگی انتزامیہ ءَ مردم رد داتگ ءُ دروگیں کول کرتگ دگ پچ کرتگ ۔
