بلوچستان نیشنل موومنٹ ( بی این ایم ) ءِ انسانی ھکانی ادارہ پانک ءَ بالیچہ ءَ جنگیان بلوچ ءِ گس ءَ دستی بمب اُرش ایر جتگ ءُ گوشتگ کہ یک اگست ءِ روچ ءِ دو ءَ ریاستی کشندہ ٹولی ءِ کارمنداں بالیچہ ءَ جنگیان بلوچ ءِ گس ءَ دستی بمب اُرش کرتگ۔ چہ وشبھتی ءَ دگہ جانی تاوان نہ بیتگ۔
آئی ءَ گوشتگ کہ اے اولی اُرش نہ اِنت چہ ایشی پیش ھم یازدہ مئی ءَ یک راکٹے آس دیگ بیتگ اَت کہ آ گس ءَ کپتگ چہ ایشی جنگیان ءِ زھگ ءُ نماسگے ٹپی بیتگ اَنت۔
آئی ءَ گوشتگ کہ بژن ءِ گپ ایش اِنت جنگیان پہ ایپ آئی آر ءِ نبیسگ ءَ تمپ ءِ تانہ ءَ شتگ گڑا پولیس ءَ ایپ آئی آر نبشتہ نہ کرتگ ءُ جتائیں نیمون کرتگ۔
پانک ءَ گوشتگ کہ یکشل ءَ بیوکیں اُرش ءُ کانود ءِ پھازداریں ادارھانی بے تواری ءَ گوں ترندیں دانکاں ایر جن آں۔ ایپ آئی آر نہ کنگ نہ تھنا سانمندیں کھول ءَ چہ انساپ ءَ زبھر کنت، بلکیں ارشکاراں گیشتر کمک کنت۔
