بلوچ نیشنل موومنٹ ( بی این ایم ) ءِ نیدرلینڈ چیپٹرءِ سال ءِ دیوان برجم دارگ بیتگ ءُ سال ءِ کارانی رپورٹ پیش کنگ بیتگ۔
رپورٹ ءَ گوشگ بیتگ کہ گوستگیں یک سالے ءِمیان ءَ میان استمان ءَ بلوچ راجی زرمبشت، زوریں بیگواھی، ریاستی زوراکی، انسانی ھکانی لگتمالی ءُ پاکستان ءِ نوک آباد کاریں زورگپتی ءِ بگیری ءَ یکشل ءَ سیاسی ءُ سپارتی جھد برجاہ بیتگ۔ اے میانءَ جتائیں زھرشانی، مراگش، نیاد، سپارتی گند ءُ نند ءُ سرپدی تکشام برجاہ دارگ بیتگ۔
رپورٹ ءَ گوشگ بیتگ کہ 31 جولائی ءَ دی ھیگ ءَ میان استمانی آمیدگس ءِ دیم ءَ بلوچ راجی مچی ءِ زھرشانی کنوکانی سر ءَ زوراکیانی بگیری ءَ زھرشانی کنگ بیتگ۔ 11 اگست ءَ بلوچستانءِ چہ برتانیہ ءِ آجوئی روچ ءِ درگت ءَ نیدرلینڈ ءِ جتائیں شھراں پنتاک بھرءُ بانگ کنگ بیتگ۔ چاردہ اگست ءَ دی ھیگ ءَ پارن اپییئرز ءِ گون ءَ گند ءُ نند کرتگ۔ 30 اگست ءَ زوریں بیگواھیانی میان استمانی روچءِ درگت ءَ زھرشانی کنگ بیتگ۔ ھمے وڑ ءَ 7،14،21، 30 دسمبر ءُ 5، 19 اکتوبر ءَ دربری دیوان برجم دارگ بیتگ۔
رپورٹ ءِ رد ءَ 3 داں 13 نومبر ءَ اترکت ءَ بلوچستان ءِ شھیدانی بابتءَ سرپدی تکشام ءُ پنتانک بھر ءُ بانگ کرتگ۔ 13 نومبر ءَ دی ھیگ ءَ بلوچستان ءِ شھیدانی بابتءَ دیوانے برجم دارگ بیتگ۔ 22 داں 27 نومبر ءَ آئین ءُ منشور ءِ بنگپ ءَ آن لائن دربری دیوان برجم دارگ بیتگ۔ 10 دسمبر ءَ میان استمانی انسانی ھکانی روچ ءِ درگت ءَ ڈچ پارلمینٹ ءِ دیم ءَ زھرشانی کرتگ ءُ پٹیشن یاداشت کرتگ۔ دسمبر ءَ آن لائن دربری نیادانی درچ برجاہ بیتگ۔
رپورٹ ءَ دیمتر ءَ گوشتگ بیتگ کہ 15 جنوری ءَ چیپٹر ءِ ٹولی ءَ جنیوا ءِ بنداتی کانگریس ءَ بھر زرتگ، 11 پروری ءَ ڈچ پارلیمنٹ ءِ باسکانی گون ءَ گند ءُ نند کرتگ ءُ پٹیشن داتگ۔ 22 مارچ ءَ چیپٹر ءِ ٹولی ءَ پی ٹی ایم ءِ جرگہ ءَ بھر زرتگ ءُ 27 مارچ ءَ جنیوا سے روچی کمپین ءَبھر زرتگ۔ 4 اپریل ءَ ایمسٹرڈیم ءَ بی وائی سی ءِ کارکنانی دزگیری ءِ بگیری ءَ زھرشانی کرتگ۔ 19 اپریلءَ اترکت ءَ بی وائی سی ءُ بلوچ چکچینی ءِ بگیری ءَ سرپدی تکشام برجم داشتگ۔
مئی ءَ اترکت ءَ دی ھیگ ءُ زے ءَ پوٹو ایگزیبیشنز ءُ زھرشانی کرتگ۔ 28 مئی ءَ بلوچستان ءِ ایٹمی تراکانی بگیری ءَ دی ھیگ ءَ پاکستانی سپارتجاہ ءِ دیم ءَ پروگرام برجم داشتگ۔ 28 مئی ءَ بلوچستان ءَ ایٹمی تراکانی بگیری ءَ دی ھیگ ءَ پاکستانی سپارتجاہ ءِدیم ءَ روانک کش اتگ ءُ زھرشانی کرتگ۔ 13 جون ءَ زپتنءَ یورپی یونین ءِ جھگیراں بلوچستانءَ انسانی ھکانی بگیریانی بابتءَ سرپدی داتگ۔ 21 جون ءَ زوریں بیگواھیانی میان استمانی روچ ءِ درگت ءَ ایمسٹر ڈیم ءَ پوٹو ایگزیبیشن ءُ زھرشانی کرتگ۔ 23 جولائی ءَ استاد واھد کمبر ءُ پہ آدگہ بلوچانی بیگواھی ءِ بگیری ءَ زھرشانی کرتگ۔
رپورٹ ءِ رد ءَ گوستگیں سال ءَ دہ زھرشانی ءُ 6 سرپدی تکشام، چار کمپین، 4 پوٹو ایگزیبیشن، شش دربری نیاد۔ 83 آن لائن دربری دیوان ءُ دو مراگش برجم داشتگ، بی این ایم نیدرلینڈ چیپٹر ءِ کارکناں چار میان استمانی پروگراماں بھر زرتگ۔
بی این ایم نیدرلینڈ چیپٹر ءَ گوشتگ کہ اے جھد ءَ دیم ءَ ھم برجاہ دار ایں دانکہ میان استمانی تک ءَ بلوچ ءِ جیڑہ ءَ گیشتر دیم ءَ بیار ایں۔
