چہ ڈیرہ بگٹی ءِ ھند سوئی ءَ سی ٹی ڈی ءُ چیریں ادارھانی کارمنداں دو کماشاں ھوار چار مردم آوار جتگ ءُ بیگواہ کرتگ ۔
اھوالکار ءِ رد ءَ بیگواھیں مردمانی تہ ءَ دو مردمانی نام وڈیرہ بشیر بگٹی ءُ وڈیرہ پھاڑی بگٹی اِنت کہ زین کوہ ءِ جاہ منند اَنت ءُ دوئیں ٹکی سروک اَنت۔ سی ٹی ڈی ءُ چیریں ادارھانی کارمنداں گوں دگہ دو مردم ءِ ھواری ءَ 23 جولائی ءَ چہ سوئی ءَ آوار جتگ ءُ بیگواہ کرتگ اَنت کہ انگت بیگواہ اَنت۔
ھندی مردمانی گوشگ اِنت کہ دوئیں مردم بلوچستان ءِ سر وزیر سرپراز بگٹی ءِ بگیریں مردم بیتگ اَنت کہ ھمائی گوشگ ءِ پد ءَ آوار جنگ ءُ بیگواہ کنگ بیتگ اَنت۔
