بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں 23جولائی ءِ شپءَ نُھ ءُ نیم ءَ مشکے ءِ ھند سنیڑی ءَ زورگریں پاکستانی پوج ءِ جوڑ کرتگیں کشندہ ٹولی ءِ کارمندانی بُندرءِ سر ءَ ارش کرتگ کہ ایشی آسر ءَ دو کارمند ٹپی بیتگ۔ چوش کہ کشندہ ٹولی ءِ کارمند ھندی مردمانی زمیناں پلگ، ھمک روچی کار ءُ روزگار ءِ سرءَ پابندی جنگ ءُ پاکستانی پو ج ءِ گون ءَ اوشتاتگ ء اَنتُ بلوچ ورنایانی یکشل ءَ نشانگ کنگ ءُ بلوچ چکچینی ءَ شریدار اَنت۔ اے جاورانی تہ ءَ ھندی مردم چہ ریاستی زوراکیاں دلسیاہ اَنت۔
آئی ءَ گوشتگ کہ یک زمہ واریں راجی گلے ءِ بستار ءَ بلوچ راج ءَ سدکی دیں کہ گوں سبر ءُ تھمبل ءَ ریاستی زوراکی پالیسی ءُ مکاریانی بگیری ءَ بلوچ سرمچارانی گون ءَ کمک بہ کن اِت ، ما چہ بلوچ مھلوک ءِ کمک ءَ درسیں سلاہ بندیں کارمنداں یک یک ءَ ھلاس کن ایں۔
جارکش ءَ گوشتگ کہ دگہ یک کاروائی یےءَ بی ایل ایپ ءِ سرمچاراں 23 جولائی ءَ بالیچہ ءَ پہ زورگریں پاکستانی پوج ءِ بنجل ءَ راشن بروکیں یک گاڑی یے میرآباد تمپ ءَ داشتگ ءُ مانداشتگ۔
میجر گھرام بلوچ ءَ مشکے ، سنیڑی ءَ کشندہ ٹولی ءِ کارمندانی ٹپی کنگ ءُ میر آباد ءَ بالیچہ کیمپ ءِ راشن بروکیں گاڑی ءِ ماندارگ ءِ زمہ واری من اتگ ءُ گوشتگ کہ ھندی گاڑی واھنداں گوں ترندی ءَ کڈن کن ایں کہ آ زورگریں پاکستانی پوج ءُ پہ آدگہ لشکر ءَ راشن برگ ءَ وت ءَ گستا بدار اَنت اگاں نہ آیانی گاڑی تاوان دیگ بنت آ زمہ وار وت اَنت۔
