بلوچ نودربر سروک زوربیگواھیں شبیر اھمد بلوچ ءِ گھار ءُ انسانی ھکانی کارکن سیما بلوچ ماں چاگردی رسانکدر ایکس ءَ وتی پوسٹے ءَ نبشتگ کہ ریاست مارا نزور کنگ لوٹ ایت، بلے اگاں ما نزور بوتین ایں گڑا وتی مردمانی توکل دیستگ اَت چہ بلوچستان ءَ اسلام آباد ءَ سپر نہ کرتگ اَت۔
آئیءَ گوشتگ کہ منی برات گوستگیں نُھ سال اِنت کہ زور بیگواہ کنگ بیتگ۔ دانکہ من سلامت آں پہ وتی مردم ءُ پہ وتی برات ءَ گھگیری کن آں۔
چوش کہ سیما بلوچ اے وھد ءَ اسلام آباد ءَ گوں بلوچ یکجھتی کمیٹی ءِ سروک ءُبیگواھیں مردمانی کھولاں زھرشانی ءَ نشتگ۔
