بلوچ نیشنل موومنٹ (بی این ایم) ءِ انسانی ھکانی ادارہ پانک ءَ وتی شنگ کرتگیں درشانے ءَ بلوچ وومن پورم ءِ سروک ڈاکٹر شلی ءُ ھمراھانی گْوادر پولیس ءِ دست ءَ دزگیری ایر جتگ ءُ گوشتگ ڈاکٹر شلی بلوچ ءُ آئی ھمراھانی دزگیر کنگ پُرایمنیں جھد ءِ سر ءَ اُرش کنگ اِنت۔
آئی گوشتگ کہ ڈاکٹر شلی 27 جولائی ءَ گْوادر پریس کلب ءَ بیوکیں پُرایمنیں دیوان ءِ درگت ءَ گوں وتی ھمراھاں سُربندن ءَ تر ءُ گرد کنگ ءَ بوتگ کہ پولیس دزگیر کرتگ۔
آئی گوشتگ کہ اے درکانودی گامگیج بلوچ جنین ءُ سول سوسائٹی ءِ توار ءِ دارگ ءِ یک دگہ جھدے۔ پانک آیانی زوتیں آجوئی ءِ لوٹ ءَ کنت ءُ چہ انسانی ھکانی گلاں لوٹ کنت کہ آ بلوچستان ءَ برجاھیں زوراکیانی بگیری ءَ زوت گامگیج بہ زور اَنت۔
