بلوچ ویمن پورم ءِ سروک گوادر شھر ءَ جتاجتائیں جاھاں تر ءُ گرد کنگءُ پہ دیوان ءِ بابت ءَ گوں مردماں گپ ءُ تران کنگ ءُ آیاں لوٹگ ءَ اَنت۔
اے بابت ءَ بلوچ ویمن پورم ءِ گوشگ اِنت سرجمیں بلوچستان ءَ برجاھیں پہ ریاستی زوراکیانی بگیری ءَ مھلوک ءِیکجاہ ءُ مھکم کنگ ءِ بابت ءَ گوں گوادر ءِ ھمک بھرگاں سیادی داروکیں مردماں گند ءُ نند کنگ ءَ ایں، آیاں تھنا یکجاہ نہ کن ایں بلکیں گوں آیاں ھما بیتگیں جیڑہ ءُ آیانی گلھاں گوش بدارایں۔
آئیءَ گوشتگ کہ اے بابت ءَ ما گوں ماھگیر اتھاد ءِ جھگیراں گند ءُ نند کرتگ ءُ آیاں مارا وتی جیڑھانی بابت ءَ سرپد کرتگ۔ آیانی توار مئے جھد ءِ بھر اِنت ءُ آیانی توکل گوادر ءِ مھلوک ءِ مھکمی ءَ پیش دار ایت۔
آئی ءَ گوشتگ کہ ھمے گندءُ نند ءِ میان ءَ ما آیان ءَ گوادر ءَ بیوکیں وتی یک روچی دیوان ءِ بابت ءَ سرپد کرتگ ءُ لوٹ اتگ اَنت۔ اے دیوان زوت کنگ بیت ءُ مئے مول زوراکیانی بگیری ءَ درسیں بھرگاں یک راھبندے ءِ سر ءَ یکجاہ کنگ ءُ ھمنستی اِنت۔
