بلوچستان لبریشن پرنٹ ءِجارکش میجر گھرام بلوچ ءَ گوشتگ کہ بی ایل ایپ ءِ سرمچاراں 18 جولائی ءِ سھب ءِ ادار دہ ءِ نزیک ءَ مستونگ ءِ ھند چوتو ءَ مزنیں شھدگ ءَ زورگریں پاکستانی پولیس ءِ سئے گاڑیانی کاروانے ءِ سر ءَ سنگر گپتگ ءُ سوبمندیں اُرشے کرتگ۔ اُرش ءَ کاروان ءَ ھواریں دمگی پولیس ءِ ڈپٹی سپرنٹنڈنٹ ابدُلرزاک سواتی ءِ گاڑی یے نشانگ کرتگ۔ چہ ایشی آسر ءَ ابدُلرزاک سواتی ءَ ھوار دو پولیس کارمند جاھی مرتگ۔ سرمچاراں پولیس کاروان ءَ ھواریں آدگہ گاڑی ھم نشانگ کرتگ ءُ کمیں تاوان داتگ انت۔
آئی گوشتگ کہ یک دگہ اُرشے ءَ بی ایل ایپ ءِ سرمچاراں شازدہ جولائی ءَ مستونگ ءِ ھند کڈکوچگ ءَ ھسن ھوٹل ءِ نزیک ءَ بلوچستان ءِ مڈیانی لٹ ءُ پل کنوک ءُ بروکیں دو گاڑی نشانگ کرتگ ءُ تاوان داتگ اَنت۔
میجر گھرام بلوچ ءَ مستونگ ءَ پولیس کاروان ءُ مڈی بروکیں گاڑیانی سر ءَ اُرش ءِ زمہ واری من اِتگ ءُ گوشتگ کہ چہ رسانکدر ءِ کمک ءَ ما پولیس ءَ کڈن کن ایں کہ آ وتی رویشت ءَ شر بہ کنت ءُ بلوچ بگیریں کاراں دزکش بہ بیت اگاں نا دیمتر ءَ تچک نشانگ کنگ بنت۔
