آواران ءِ ھند مشکے ءَ پاکستانی پوج ءِ جوڑ کرتگیں ھندی کشندہ ٹولی ءِ کارمنداں مزار نامیں مردمے کشتگ۔
زرمبش جھگیر ءِرد ءَ کشگ بیتگیں مردم ءِ نام مزار بلوچ ء جمال ھان اِنت مشکے ءِ میتگ گورکائی ءِ جاہ منند اِنت۔ زی کشندہ ٹولی ءِ کارمنداں کندڑی ءَ ھما وھد ءَ نشانگ کرتگ ءُ کشتگ کہ آ پوج ءِ کَر ءَ پیشی ءَ شتگ ءُ واتر گس ءَ روگ ءَ بیتگ۔
مزار بلوچ ءِ بابت ءَ گوشگ بیت کہ 2015 ءَ پاکستانی پوج ءَ آوار جتگ ءُ بیگواہ کرتگ داں سے سال ءِ آزار دیگ ءَ پد یل داتگ۔ آئی ءَ دیر اَنت پاکستانی پوج ھمک وھد ءَ پیشی ءَ لوٹائینگ ءَ بیتگ۔
چوش کہ زی چہ آواران دمگ ءَ پاکستانی پوج ءُ کشندہ ٹولی ءِ کارمندانی دست ءَ چارمی کوش اِنت۔ زی چہ جاھو ءَ دو ورنا کشندہ ٹولی ءِ کارمنداں کشتگ ءُ یک بیگواھیں ورنایے پاکستانی پوج ءَ کشتگ۔
