بلوچستان لبریشن پرنٹ ( بی ایل ایپ ) ءِ جارکش میجر گوھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که 29 جون ءَ بی ایل ایپ ءِ سرمچاراں گومازی ءَ راجی میاربار مھمد رھیم ء ھیدر دزگیر کرتگ۔
آئی ءَ گوشتگ که راجی میاربار ءَ گل ءِ جست ءُ پرس کنوکیں ٹیم ءِ کر ءَ من اتگ که پروری 2017 ءَ شھید تاھر ء شھید دوست مھمد ءِ شھیدی ءَ ھوار بیتگ ،ھمے وڑ ءَ 2025 پروری ءِ 16 ءُ 17 ءَ ورنا مھراج ء ابدالکادر ءُ کریم بلوچ ء منزور ءِ شھیدی ءَ هم هوار بوگ من اتگ ءُ گوشتگ که ھمے درچ ءَ آئی ءَ 20 ھزار روپیه دیگ بیتگ ءُ ایشی جاہ ءَ آئی ءَ شھید تاھر بلوچ ءُ ورنا مھراج ءُ کریم بلوچ ءِ بابت ءَ سرپدی داتگ اَنت۔
جارکش ءَ گوشتگ که راجی میاربار ءَ من اتگ که آ داں باز وھد ءَ کشنده ٹولی ءِ یک باسکے ءِ چیردستی ءَ کار ءَ بیتگ ءُ آئی ءَ بلوچ سرمچارانی کھول ءِ پجارگ ءُ چاریگی ءِ زمه واری دیگ بیتگ۔
آئی ءَ گوشتگ که گل ءَ بلوچ ءِ دژمنیں کاروائیانی ھوار بوگ ءِ بنیاد ءَ بیست جولائی ءَ مرگ ء سزا داتگ ءُ گڈی آسر ءَ سر کرتگ۔
جارکش ءَ گوشتگ که پنچ جولائی ءَ تربت ءِ ھند ناسرآباد ءَ سرمچاراں گل ءِ چیریں ھالانی بنیاد ءَ په وهد کاروائی کرتگ ءُ راجی میاربار ءُ ایم آئی ءِ آپریٹو شئیب ء ابدالمجید دزگیر کرتگ ، گل ءِ جست ءُ پرس کنوکیں ٹولی ءَ میاربار درسیں بھرگانی بابت ءَ جست کرتگ ءُ آئی ءَ وتی میار من اتگ اَنت۔
آئی ءَ گوشتگ که میاربار ءَ من اتگ که آ گوستگیں یک سال ءِ میان ءَ په چیریں ادارھاں کار ءَ بیتگ ءُ آئی ءَ بلوچ ورناهانی بلیک میل کنگ ءُ آیانی په ایم آئی ءَ کار کنگ ءَ لاچار کنگ ءِ زمه واری دیگ بیتگ ، اے کارانی آسر ءَ بازیں ورنا لاچار بیتگ ، چه ایشی ءَ اَبید آئی ءَ سلاه دیگ بیتگ ءُ بلوچ ورناھانی نشاگ کنگ ءَ هم تچک ءَ هوار بیتگ ، راجی میاربار ءَ باز مردم ایم آئی ءِ بنجل ءَ برتگ ءُ گوں وت ءَ همراه کرتگ ، آیاں سلاه داتگ ءُ په بلوچ ورناھانی نشانگ کنگ ءَ سلاه بند کرتگ اَنت ، گل ءِ کر ءَ اے درسیں مردمانی بابت ءَ سرجمیں سرپدی ھست ءُ آ زوت گڈی آسر ءَ سر کنگ بنت۔
جارکش ءَ گوشتگ که درسیں منانکانی بنیاد ءَ بی ایل ایپ ءِ سرمچاراں ده جولائی ءَ کاروائی کرتگ ءُ راجی میاربار وتی گڈی آسر ءَ سر کرتگ۔
آئی ءَ گوشتگ که یک جولائی 2025 ءَ بی ایل ایپ ءِ سرمچاراں تربت ء ھند ناسرآباد ءَ گل ءِ چیریں تک ءَ کاروائی کرتگ ءُ ایم آئی ءِ کارمند سلام ء گلام ھسین نشانگ کرتگ ءُ کشتگ ءُ آئی سلاه ھم زرتگ اَنت۔
جارکش ءَ گوشتگ که راجی میاربار سلام داں دراجکشیں وھدے ءَ ناسر آباد ءُ کش ءُ کراں دمگی چیئرمین کیچ ءُ کشنده ٹولی ءِ سروک ءُ ریاست ءِ گچین کرتگیں ھوتمان ءِ چیردستی ءَ کار ءَ بیتگ ءُ بلوچ ورناھانی چاریگی ءُ کوش ءِ زمه واری آئی ءَ دیگ بیتگ ، همے درچ ءَ آئی ءَ شکیل ء ڈاکٹر نسیر دمگی چئیرمین ءِ پرمان ءَ کشتگ ، راجی میاربار ءُ آئی ٹولی ءَ چه هوتمان ءِ نیمگ ءَ سلاه دیگ بیتگ ءُ په آیانی کمک ءَ دگه بازیں مردم ھم سلاه بند کنگ ءُ گوں آیاں ھوار کنگ بیتگ دانکه بلوچ ورناھاں نشانگ به کن اَنت۔
میجر گھرام بلوچ دگپ درشانے ءَ گوشتگ کہ بی ایل ایپ ءِ سرمچاراں 20 جولائی ءِ شپ ءَ سوراب شھر ءِ یک مزنیں بھرے دستیگ کرتگ ءُ شال کراچی ءَ روکیں شھدگ سَے جتاھیں ھنداں بستگ ءُ گاڑی پٹ ءُ پول کرتگ اَنت۔ سرمچار گوں مساپراں سک ءَ نرمی ءَ پیش بوتگ اَنت۔ پٹ ءُ پول ءِ وھد ءَ ھچ وڑیں بلوچ ءِ دژمن دزکپتگ۔
آئی گوشتگ کہ اے میان ءَ سرمچاراں ھاجی ھوٹل ءُ گدر کراس ءَ شھدگ بستگ، کسٹم ءِ کارمند انگر کرتگ ءُ سلاہ چگل دیگ ءِ گوشتگ۔ یک کارمندے ءَ گھگیری کنگ ءِ جھد کرتگ کہ سرمچارانی کاروائی ءَ آ ٹپی بوتگ ءُ درسیں کارمند دزگیر کرتگ اَنت۔ سرمچاراں چہ کسٹم ءِ کارمنداں سرکاری سلاہ پل اِتگ اَنت ءُ چوکی مانداشتگ۔
آئی گوشتگ کہ زورگریں پوج ءِ دومی ٹولی ءَ ھمے وھد ءَ سرمچارانی سر ءَ اُرش کرتگ بلے سرمچاراں دیم ءَ آیوکیں پوج ءِ کارمندانی سر ءَ اُرش کرتگ ءُ آ پہ پشت کنزگ ءَ لاچار کرتگ اَنت۔ زورگریں پوج ءَ پہ سرمچارانی سُر ءُ پرانی چارگ ءَ سرویلنس ڈرون ءُ کواڈ کاپٹر بال داتگ۔ سرمچاراں آ نشانگ کرتگ ءُ دور داتگ اَنت۔ شھدگ ءِ بندی ءِ وھد ءَ سرمچارانی نشانگ کنگ ءَ کواڈ کاپٹر ءِ سر ءَ مارٹر گولاآس داتگ بلے سرمچار پہ سلامتی درکپتگ ءُ وتی بنَدْراں سر بوگ ءَ سوبمند بوتگ اَنت۔
جارکش ءَ گوشتگ کہ بی ایل ایپ ءِ سرمچاراں 21 جولائی ءِ سھب ءِ ادار ھپت ءُ نیم ءِ نزیک ءَ یک سوبمندیں اُرشے ءَ پاکستانی پوج ءِ دو گاڑیانی کاروان ءَ ھواریں یک گاڑی یے رکشان ءِ ھند واشک ءَ گوں تراکناکیں شورھاں ھما وھد ءَ نشانگ کرتگ کہ پوج وتی بنجل ءَدرکپتگ ءُ بورڈ ھوٹل ءِ نیمگ ءَ روگ ءَ بوتگ۔ اُرش ءِ آسر ءَ گاڑی ءَ سواریں شش کارمند مرتگ ءُ گاڑی سرجم ءَ تباہ بوتگ۔
آئی گوشتگ کہ بی ایل ایپ ءِ سرمچاراں یک دگہ کاروائی یے ءَ 21 جولائی ءِ سھب ءِ ادار دہ ءِ نزیک ءَ شال ءِ ھند دشت ءَ اُمر دروازہ ءَ زورگریں پاکستانی پوج ءِ یک گاڑی یے ءِ سر ءَ ھما وھد ءَ اُرش کرتگ کہ زورگریں پوج پہ سامان بروکیں گاڑیانی زر گرگ ءَ تر ءُ گرد کنگ ءَ بوتگ۔ اے اُرش ءَ پوج ءِ دو کارمند مرتگ ءُ باز ٹپی بوتگ۔
میجر گوھرام بلوچ ءَ درشان ءِ گڈی ءَ اے درسیں راجی میاربارانی کوش ءِ زمه واری من اتگ ءُ گوشتگ که ما چه رسانکدر ءِ پارست ءَ گوں بلوچ راج ءَ لوٹ کن ایں که آ ریاستی کشنده ٹولی ءُ بلوچ چکچینی ءَ هواریں کارمندانی بابت ءَ سرمچاراں ھمک وھد سرپدی به دے اَنت دانکه وتی گڈی آسر ءَ سر به بنت۔
